هب الهوى يا ناعس الطرف نسري
وقام يتلاعب في خصل شعرك السود
اشوفك قبالي تقل ظبي عفري
تلعب ولا تحسب حساب اي منقود
ابو ثمان كنها ثلج يجري
من بينها سكر بالارياق مبدود
لك مبسم ٍ كنّه من التوت مبري
والوسط كنه من حشاياه مجرود
صحيح زينك لاكثر الناس يغري
وما الوم شخص ٍ في محبتك مشدود
ان كنت تغريني ترا الوضع مزري
مانيب انا وياك طارد ومطرود
قلبي عن البيض المزايين جزري
ماني على الترفات مغرم ومحدود
مدام ذكر الطير بالقلب يطري
مبطي وقدره في حناياي معقود
اللي يميز ريشته لون سحري
حر ٍ يميّز بالهوادي وال شدود
طرح الشبك ماهو من السوق مشري
نادر وجنسه من زمانين مفقود
ماهوب جير ٍ يحسب الكيس فرّي
ولاهوب تفريخ ٍ على الصيد مقرود
راكد وطلاع ٍ ولاهوب نزري
ستة عشر طوله وبالعرض له زود
اليا قنصنا فيه .. للصيد نحري
من قو طلعه صار للطلع معهود
هذا الهوى لو كنت يالزين تدري
مانيب انا وياك طارد ومطرود
وقام يتلاعب في خصل شعرك السود
اشوفك قبالي تقل ظبي عفري
تلعب ولا تحسب حساب اي منقود
ابو ثمان كنها ثلج يجري
من بينها سكر بالارياق مبدود
لك مبسم ٍ كنّه من التوت مبري
والوسط كنه من حشاياه مجرود
صحيح زينك لاكثر الناس يغري
وما الوم شخص ٍ في محبتك مشدود
ان كنت تغريني ترا الوضع مزري
مانيب انا وياك طارد ومطرود
قلبي عن البيض المزايين جزري
ماني على الترفات مغرم ومحدود
مدام ذكر الطير بالقلب يطري
مبطي وقدره في حناياي معقود
اللي يميز ريشته لون سحري
حر ٍ يميّز بالهوادي وال شدود
طرح الشبك ماهو من السوق مشري
نادر وجنسه من زمانين مفقود
ماهوب جير ٍ يحسب الكيس فرّي
ولاهوب تفريخ ٍ على الصيد مقرود
راكد وطلاع ٍ ولاهوب نزري
ستة عشر طوله وبالعرض له زود
اليا قنصنا فيه .. للصيد نحري
من قو طلعه صار للطلع معهود
هذا الهوى لو كنت يالزين تدري
مانيب انا وياك طارد ومطرود