هذه القصيدة للشاعر / سعد بن عبدالله بن تويم ابن الشاعر عبدالله بن تويم الملقب( بالعرج)
رحمهما الله من اهالي الحريق قال هذه القصيدة في سنه جبار تقريبا او بعدها بقليل
يسأل الغار (غار العجمي) بشعيب المجهوله بالحريق عن ربعه الذي راح من عندهم لأجل حضار زهاب من الديره
وتأخر عليهم واثرهم انتقلوا الي محل اخر وبعد مارجع الى الغار لم يجدهم وقال هذه القصيدة
وفيها يطلب الله بالغيث على شعاب الحريق المسمات بالمجمعة
وايضا كافه ارجاء المملكة ويقول في قصيدته :-
ياغار وين الجماعة يابري حالي = بالعون هم دبروا والنار مطفية
ياطول ماهي وقود تشعل اشعالي = واليوم من حسبه الرمدن منسية
ياما جرى فوقها من الكيف والدلالي = هذي تبهر والأخرى توها نية
بريقنا دايماً يلحق له التالي= مهوب من مال قن قاضبا شية
ربعي قروماً فدوهم كل الأنذالي=ويفرّحون الخوي في كل عصرية
ليمن رموا بالتفق للدم سيالي= كم جازي يقصرونه عن هقاوية
هذا بحكم الولي وامرالله الوالي= يامطعم العبد لومافي يده شية
من عقب ماهو فقيراً يرزقه مالي= ومن عقب كد اللزا جاء من الغناوية
يالله انا طالبك وان تقبل اسوالي= اقبل سوالي وانا لك بنصح النية
يالله على المجمعة برقاً وهمالي = يومر على ديرتي يوماً بليلية
اشوف نوارها من عقب الأمحال = من خشم عولان الى مرقان مسقيه
وايضا تعم الجزيرة وكلشن سالي = وكلن قضب ديرتها ماراح في نية
آمين يالي كريم فوقنا عالي = جعلك تفرج لنا من ذا السناويه
رحمهما الله من اهالي الحريق قال هذه القصيدة في سنه جبار تقريبا او بعدها بقليل
يسأل الغار (غار العجمي) بشعيب المجهوله بالحريق عن ربعه الذي راح من عندهم لأجل حضار زهاب من الديره
وتأخر عليهم واثرهم انتقلوا الي محل اخر وبعد مارجع الى الغار لم يجدهم وقال هذه القصيدة
وفيها يطلب الله بالغيث على شعاب الحريق المسمات بالمجمعة
وايضا كافه ارجاء المملكة ويقول في قصيدته :-
ياغار وين الجماعة يابري حالي = بالعون هم دبروا والنار مطفية
ياطول ماهي وقود تشعل اشعالي = واليوم من حسبه الرمدن منسية
ياما جرى فوقها من الكيف والدلالي = هذي تبهر والأخرى توها نية
بريقنا دايماً يلحق له التالي= مهوب من مال قن قاضبا شية
ربعي قروماً فدوهم كل الأنذالي=ويفرّحون الخوي في كل عصرية
ليمن رموا بالتفق للدم سيالي= كم جازي يقصرونه عن هقاوية
هذا بحكم الولي وامرالله الوالي= يامطعم العبد لومافي يده شية
من عقب ماهو فقيراً يرزقه مالي= ومن عقب كد اللزا جاء من الغناوية
يالله انا طالبك وان تقبل اسوالي= اقبل سوالي وانا لك بنصح النية
يالله على المجمعة برقاً وهمالي = يومر على ديرتي يوماً بليلية
اشوف نوارها من عقب الأمحال = من خشم عولان الى مرقان مسقيه
وايضا تعم الجزيرة وكلشن سالي = وكلن قضب ديرتها ماراح في نية
آمين يالي كريم فوقنا عالي = جعلك تفرج لنا من ذا السناويه